«Самұрық-Энерго» АҚ Директорлар кеңесінің шешімімен «АлматыЭнергоСбыт» ЖШС бас директоры болып Исламова Гүлжан Мәулетқызы тағайындалды.

Гүлжан Мәулетқызы 20.06.1979 жылы туған.

Жетісу экономикалық институтын Бухгалтерлік есеп және аудит мамандығы бойынша бітірген, біліктілігі – экономист-бухгалтер.

Еңбек жолын 2009 жылы «АлматыЭнергоСбыт» ЖШС Алматы қаласы бойынша  аудандық энергиямен жабдықтаушы бөлімшесінің операторы болып бастады.

Әр жылдары Алматы облыстық жабдықтаушы қызметінің жетекші маманы, бас маманы; орталық жабдықтау және энергия ресурстарымен қамсыздандыру қызметінің бас маманы болып жұмыс істеді.

2015-2023 жылдар аралығында Алматы қаласының №4, №3, №7 аудандық энергиямен жабдықтаушы бөлімшелерінің бастығы болып жұмыс істеді.

Соңғы лауазымы: «АлматыЭнергоСбыт» ЖШС Жабдықтау жөніндегі басқарушы директоры. 

Тұрмыс құрған, 1 баласы бар.