Құрметті тұтынушылар!

«Алатау Жарық Компаниясы» АҚ филиалы - «Энергосбыт» 2026 жылғы 1 қаңтардан бастап Алматы қаласы мен Алматы облысының тұтынушылары үшін тарифтердің төмендегені туралы хабарлайды, бұл:

• «Алатау Жарық Компаниясы» акционерлік қоғамының 2026-2030 жылдарға арналған электр энергиясын беру бойынша реттелмелі қызметке арналған тариф пен тарифтік сметаны бекіту туралы» Қазақстан Республикасы Ұлттық экономика министрлігінің Табиғи монополияларды реттеу комитетінің Алматы қаласы және Алматы облысы бойынша департаменттерінің 2025 жылғы 28 қарашадағы №160-ОД және №194-ОД бірлескен бұйрығына сәйкес 2026 жылғы 1 қаңтардан бастап өңірлік деңгейдегі желілер бойынша электр энергиясын беру қызметтеріне «Алатау Жарық Компаниясы» АҚ тарифінің 2025 жылғы 1 қазаннан бастап қолданысқа енгізіле отырып, «Алатау Жарық Компаниясы» АҚ филиалы - «Энергосбыт» Шекті баға құрылымында ескерілген деңгейден 1 кВтсағ. үшін 13,99 теңге деңгейінен 1 кВтсағ. үшін 13,65 теңге деңгейіне дейін төмендеуіне;
• 2026 жылғы 1 қаңтардан бастап «Алатау Жарық Компаниясы» АҚ филиалы - «Энергосбыт» инвестициялық бағдарламасының қолданылу мерзімінің аяқталуына байланысты.

Сонымен қатар, Қазақстан Республикасының Салық кодексіндегі өзгерістерді назарға ала отырып, 2026 жылғы 1 қаңтардан бастап қосылған құн салығының базалық ставкасы (ҚҚС) 12% - дан 16% - ға дейін ұлғаяды (ҚР жаңа ҰК 503-бабы). Тиісінше, 2026 жылғы 01 қаңтардан бастап электр энергиясы үшін есеп айырысу 16% ҚҚС мөлшерлемесін қолдана отырып жүзеге асырылатын болады.

Осылайша, 2026 жылғы 1 қаңтардан бастап Алматы қаласы мен Алматы облысының тұтынушылары үшін мынадай тарифтер қолданысқа енгізіледі:

Тұтынушылар топтары бойынша:

1-топ: электр энергиясын тауарларды, жұмыстарды өндірумен (сатумен) және қызметтер көрсетумен байланысты емес, өздерінің тұрмыстық мұқтаждары үшін пайдаланатын тұрмыстық тұтынушылар – 1 кВтсағ. үшін ҚҚС-сыз 27,87 теңге (1 кВтсағ. үшін ҚҚС-пен 32,33 теңге);

2-топ: электр энергиясын тұрмыстық емес мұқтаждар үшін пайдаланатын тұтынушылар – 1 кВтсағ. үшін ҚҚС-сыз 37,38 теңге (1 кВтсағ. үшін ҚҚС-пен 43,36 теңге);

3-топ: мемлекеттік бюджеттен қаржыландырылатын заңды тұлғалар – 1 кВтсағ. үшін ҚҚС-сыз 37,52 теңге (1 кВтсағ. үшін ҚҚС-пен 43,52 теңге);

Арнайы экономикалық және индустриялық аймақтардың аумағында орналасқан тұтынушылар, Қазақстан Республикасы Президентінің Іс басқармасының ведомстволық қарасты ұйымдары және оның ведомстволары, әлеуметтік маңызы бар азық-түлік тауарларын өндірушілер – 1 кВтсағ. үшін ҚҚС-сыз 31,53 теңге (1 кВтсағ. үшін ҚҚС-пен 36,57 теңге).

Электр энергиясын тұрмыстық мұқтаждарға пайдаланатын жеке тұлғалар мен тұтынушылар үшін пәтерде/үйде тұрақты тұратын, электр плиталарын пайдаланатын және пайдаланбайтын әрбір адамға электр энергиясын тұтыну көлеміне қарай сараланған тариф мөлшерлемелері:

1 деңгейдегі тариф – 1 кВтсағ. үшін ҚҚС-сыз 25,29 теңге (1 кВтсағ. үшін ҚҚС-пен 29,34 теңге);

2 деңгейдегі тариф – 1 кВтсағ. үшін ҚҚС-сыз 33,43 теңге (1 кВтсағ. үшін ҚҚС-пен 38,78 теңге);

3 деңгейдегі тариф – 1 кВтсағ. үшін ҚҚС-сыз 41,79 теңге (1 кВтсағ. үшін ҚҚС-пен 48,48 теңге).

Электр энергиясын тұрмыстық мұқтаждары үшін пайдаланатын тұтынушылардың тарифтік жоспарын таңдауы әлі де тиісті өтініш беру арқылы өздігінен жүзеге асырылады.

«Алатау Жарық Компаниясы» АҚ филиалы - «Энергосбыт» әкімшілігі