Алматыда «АлматыЭнергоСбыт» ЖШС-ның хабарламасы бойынша жария тыңдаулар өтеді

Қазақстан Республикасы Ұлттық экономика министрлігі Табиғи монополияларды реттеу комитетінің ресми сайтында жарияланған ақпарат бойынша, Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаменті тұтынушылар мен өзге де мүдделі тұлғаларды «АлматыЭнергоСбыт» ЖШС-ның электр энергиясымен жабдықтау қызметіне бағаның алдағы уақытта көтерілетіні туралы хабарламаны талқылау бойынша жария тыңдауларға шақырады.

Қазақстан Республикасы Ұлттық экономика министрінің 2017 жылғы 1 ақпандағы №36 бұйрығымен бекітілген Қоғамдық маңызы бар нарықтарда баға белгілеу қағидаларының 24-тармағының екінші бөлігіне сәйкес, «АлматыЭнергоСбыт» ЖШС-ның жария тыңдаулары 2023 жылғы 29 қыркүйекте сағат 15:00-де Алматы қаласы, Қожамқұлов көшесі, 170 А ғимараты мекенжайы бойынша, сондай-ақ Департаменттің «Facebook» әлеуметтік желісіндегі ресми парақшасында (@dkrem.almaty) өтеді.

Департамент депутаттарды, жергілікті өзін-өзі басқару органдарының, мемлекеттік органдардың, тұтынушылар мен олардың қоғамдық бірлестіктерінің өкілдерін, тәуелсіз сарапшыларды, бұқаралық ақпарат құралдарын және өзге де мүдделі тұлғаларды жария тыңдауға шақырады.

Байланыс телефондары:

Департамент - 8 (727) 357-27-41.

«АлматыЭнергоСбыт» ЖШС - 8 (727) 356-04-05.

Дереккөз:https://www.gov.kz/memleket/entities/krem/press/region-news/details/15302?lang=kk