Қазақстан Республикасының Астанасы күніне орай 2022 жылдың 06 шілдесінде Іле Алатауының тау бөктерін тазарту бойынша акция өткізілді. «Kaz Eco Patrol»  ҚБ-мен бірлесіп Іле Алатауының тау бөктерін тазарту бойынша өткізілген экологиялық акция «АлматыЭнергоСбыт» ЖШС қызметкерлері арасында кең және белсенді қолдау тапты.

Сенбіліктің негізгі мақсаты – қоғамның назарын экологиялық мәдениетті қалыптастырудың маңыздылығына аудару болды.

Сенбілікке Компаниямыздың 130-дан астам қызметкерлері қатысты. Сенбілік біздің компания үшін аумақты тазарту бойынша іс-шара ғана емес, сондай-ақ достармен, әріптестермен, таныстармен көрісу, әңгімелесу, ұжымды одан әрі тату және ұйымшыл ету үшін ұйымдастырылған тамаша мүмкіндік болды.

«АлматыЭнергоСбыт» ЖШС және «Kaz Eco Patrol» ҚБ қоршаған ортаға жауапкершілікпен қарау керектігін өзінің үлгісімен көрсеткісі келді.

Біздің компаниямыз үшін мұндай іс-шара жақсы дәстүрге айналады деп үміттенеміз!