Ағымдағы жылдың 06-09 мамыр аралығында Алматыда 1941-1945 жылдары фашизмге қарсы күрес батырларына арналған іс-шаралар өтті. Мегаполис тұрғындары ҰОС ардагерлеріне құрмет көрсетіп, майданда қаза тапқан батырларды еске алды.

Екінші дүниежүзілік соғыс құрбандарын еске алу және ардагерлерді құрметтеу күніне арналған іс-шаралар дәстүр бойынша 28 гвардияшыл- панфиловшылар атындағы паркте өтті.

«АлматыЭнергоСбыт» ЖШС қызметкерлерінің «Жас Қуат» жергілікті кәсіптік одағы» қоғамдық бірлестігі де шетте қалған жоқ, кәсіподақтың ұйымдастыруымен «АлматыЭнергоСбыт» ЖШС қызметкерлері компания басшылығымен майдан даласынан оралмаған батырларға құрмет көрсету үшін 28 гвардияшыл-панфиловшылар атындағы паркке келді.

Қатысушылар Мәңгілік алауға гүл шоқтарын қойып, бір минут үнсіздікпен өз Отанын және ұрпақтарының бейбіт болашағын қорғаған боздақтарды еске алды.