Отандық энергетиктер өткен 2020 жыл бойынша есеп берді. Елордада қалың жұртшылық алдында «Самұрық-Энерго» АҚ-ның перспективалық даму жоспарлары айтылды.

Пандемияға байланысты қиындықтарға қарамастан, компания 2020 жылы электр энергиясын өндіру 31,4 млрд. кВтсағ-қа дейін өскенін хабарлады, бұл 2019 жылдың көрсеткішінен 1,2 млрд. кВтсағ-қа жоғары. «Самұрық-Энергоның» негізгі станцияларында физикалық тозу деңгейі 60-85%-ға жетті. Бұл апаттық тоқталыстардың санын көбейтеді. Соңғы үш жылда апаттық тоқталыстар саны жыл сайын 10-12%-ға өсуде, бұл ретте тұтыну өсімі 2-3%-ға өсуде», – деп хабарлады «Самұрық-Энерго» АҚ Экономика және қаржы жөніндегі басқарушы директоры Айдар Рысқұлов. Бұл инфрақұрылымды жаңарту және салаға инвестицияларды ұлғайту қажеттілігін тудырады. Іле өзенінде қуаты 40 МВт қайта реттеуші Кербұлақ СЭС-ін пайдалануға бере отырып, Қапшағай СЭС-інің реттеуші қуатын 300 МВт-қа дейін арттыру жоспарлануда. Алматы ЖЭС-3 қайта құрумен қатар маневрлік генерацияны дамыту қажетті маневрлік режимді қамтамасыз етуге мүмкіндік береді. «Самұрық-Энерго» АҚ-ның дамыту және сату жөніндегі басқарушы директоры Марат Ұлдановтың айтуынша, «Самұрық-Энерго» АҚ-ның перспективалық жоспарларында гидроаккумуляциялық электр станциясын салу бойынша жоба, сондай-ақ Алматы өңірінің электр желілерін кеңейту және жаңғырту бойынша жобалар бар. Ұзақ мерзімді перспективада Алматы облысындағы АлЭС СЭС-інің каскадын қайта жаңарту және жаңғырту талап етіледі, өйткені қазіргі уақытта жұмыс істеп тұрған СЭС 1943 жылдан бері жұмыс істеуде. Бұл жоба қайта жаңғыртылып жатқан СЭС-1 және СЭС-2 электр энергиясын өндіруді арттыра отырып, Үлкен Алматы өзенінің гидротехникалық ресурстарын тиімді пайдалануға мүмкіндік береді.

Бұдан басқа, «Самұрық-Энерго» жел энергетикасы саласындағы тағы екі жобаны аяқтауды жоспарлап отыр: Алматы облысында қуаты 60 МВт ЖЭС және Ақмола облысында қуаты 50 МВт ЖЭС. Сонымен қатар, болашақта оңтүстіктегі жобаны 300 МВт-қа дейін арттыру жоспарлануда. Жаңартылатын энергия көздері саласында компания СЭС-29 су электр станциясын салу бойынша жобалау алдындағы жұмыстарды жүргізуде. Республикада электр энергиясын тұтыну тұрақты өсуде. Алматы және Алматы облысы бір бөлігі болып табылатын республиканың оңтүстігінде өткен жылы тұтынудың 8%-ға дейін өсуі тіркелді.