2024 жылғы 8 шілдедегі «Электр энергетикасы туралы» ҚР Заңына өзгерістер (25-баптың 13-тармағы) енгізілуіне байланысты, 2025 жылғы 1 қаңтардан бастап «АлматыЭнергоСбыт» ЖШС ұйымы «Алатау Жарық Компаниясы» АҚ «Энергосбыт» филиалы болады.

Бұл ретте:

• Дербес шоттар мен электрмен жабдықтау шарттарының нөмірлері өзгеріссіз қалады.
• Тұтынылған электр энергиясы үшін төлем әдістері өзгеріссіз қалады.
• Біз «АЖК» АҚ «Энергосбыт» филиалына көшудің автоматизациясы мен ыңғайлылығын қамтамасыз етеміз.
• Барлық онлайн сервистер сақталады, функционалдар жетілдірілетін болады.
• Жұмыс қағидаттары сақталады, бөлімшелер келесілерді қоспағанда, бұрынғы мекенжайлары бойынша жұмысын жалғастырады:

- №6 АЭЖБ 24 желтоқсаннан бастап тұтынушыларды Алматы қ., Марков көш., 61/1 жаңа мекенжайы бойынша қабылдайтын болады;

- Алматы облыстық жабдықтаушы департаменті 24 желтоқсаннан бастап Қожамқұлов көш., 170А мекенжайы бойынша орналасқан кеңсеге көшеді.

Байланыс орталығының телефоны өзгеріссіз қалады: 8 (727) 356-99-99 (24/7 қолжетімді).

2025 жылғы 1 қаңтардан бастап www.azhk.kz корпоративтік сайты, info@azhk.kz электрондық мекенжайы өзекті болады.

Бөлімшелердің жұмыс режимі 2025 жылғы 1 қаңтардан бастап: жұмыс күндері түскі үзіліссіз сағат 8:00-ден 17:00-ге дейін (демалыс және мереке күндері - жұмыс істемейтін күндер).

Назар аударыңыз! 2025 жылғы 1 қаңтардан бастап төлем жүргізуге арналған деректемелер өзгереді!

«АлматыЭнергоСбыт» ЖШС баспасөз қызметі