![](/templates/astana/images/new-banner.gif)
Халықаралық әйелдер күнін мерекелеу қарсаңында «АлматыЭнергоСбыт» ЖШС Бас директоры Еділ Копенов бірнеше ардагер энергетиктерді бас кеңсеге шақырды. Кездесу жылы және мерекелік атмосферада өтті: ардагерлерге гүл шоқтары, сыйлықтар тарту етіліп, кездесу соңы «ұрпақтар байланысы» рухындағы шайға ұласты.
Әйелдерге табыс етілген көктемгі гүл шоқтары кездесуге көктемгі көңіл-күй мен жағымды эмоциялар сыйлады.
«Бүгінгі тамаша мерекені біз үшін жанымызға ыстық компаниямыз ұйымдастырып отыр. Ең алдымен біз бірінші басшысымен таныстық. Мен оның өз ісін білетін энергетик екеніне өте қуаныштымын. АлматыЭнергоСбыт үшін де өте қуаныштымын, өйткені жақсы, білікті басшы – нәтижелі жұмыстың кепілі. Алматы қаласының энергетиктері – сіздер өте бақытты жандарсыздар», - деп атап өтті соңында «АлматыЭнергоСбыт» ЖШС-де 7 жыл, ал жалпы энергетика саласында 36 жыл жұмыс істеген Гүлмира Рахымбек.