«АлматыЭнергоСбыт» ЖШС шекті тарифі

Электр энергиясына босату тарифінің негізгі құрамдас бөліктері оның көтерме сауда нарығындағы бағасы, өңірлік және өңіраралық деңгейдегі желілер бойынша беру тарифі, технологиялық байланысты қызметтер болып табылады, құрамдас бөліктердің кез келген өзгеруі тұтынушыларға арналған түпкі босату тарифінің өзгеруіне әкеп соғуы мүмкін.

Электр энергияны беру қызметтеріне, электр энергияны өндіру-тұтынуды теңгерімдеуді ұйымдастыру жөніндегі қызметтерге тарифтердің,  жаңартылатын энергия көздерін пайдалануды қолдауға арналған үстемақының және тиісінше, энергия өндіруші ұйымдардың электр энергиясына босату бағасының көтерілуіне байланысты, «АлматыЭнергоСбыт» ЖШС Алматы қаласы және Алматы облысы бойынша тұтынушыларына арналған шекті баға 2023 жылдың 1 қаңтарынан бастап 1 кВт.сағ. үшін 22,18 теңгені құрады.

Тұтынылған электр энергиясына есеп айырысулар жүргізу үшін тұтынушылардың топтары бойынша сараланған, сондай-ақ Алматы қаласы мен Алматы облысы жеке тұлғаларының электр энергиясын тұтыну көлеміне қарай қолданыстағы тарифтер «АлматыЭнергоСбыт» ЖШС www.esalmaty.kz ресми сайтында жарияланған.