Құрметті тұтынушылар, «АлматыЭнергоСбыт» ЖШС электр энергияны бөлшек саудада өткізудің шекті бағасының сағатына 1 киловатт үшін ҚҚС-сыз 21,16 теңгеге дейін (сағатына 1 киловатт үшін ҚҚС-пен 23,70 теңге) көтерілгені туралы хабарлайды.

«АлматыЭнергоСбыт» ЖШС-нің Алматы қаласы мен Алматы облысының тұтынушылары үшін электр энергиясына шекті бағаның өсу себептері:

• 2021 жылдың 1 қазанынан және 2022 жылдың 1 қаңтарынан бастап «KEGOC» АҚ ұлттық желісі бойынша электр энергиясын беру, Қазақстанның БЭЖ-де электр энергиясын өндіру-тұтынуды теңгерімдеуді ұйымдастыру жөніндегі қызметтерге тарифтердің өсуі (ҚР ҰЭМ ТМРК-ның 2021 жылдың 16 тамызындағы №79-НҚ бұйрығы);
• 2021 жылдың 1 қазанынан және 2022 жылдың 1 қаңтарынан бастап «Қазақстан Темір Жолы» ҰК» АҚ Алматы магистральдық желі бөлімшесі» желілері бойынша электр энергиясын беру жөніндегі қызметке тарифтердің өсуі (ҚР ҰЭМ ТМРК-ның 23.09.2021 ж. №101-НҚ бұйрығы);
• 2022 жылдың 1 қаңтарынан бастап «Алатау Жарық Компаниясы» АҚ желілері бойынша электр энергиясын беру жөніндегі қызметке тарифтердің өсуі (ҚР ҰЭМ Алматы қаласы бойынша ТМРКД-ның 2021 жылдың 17 мамырындағы №47-НҚ және ҚР ҰЭМ Алматы облысы бойынша ТМРКД-ның №83-НҚ бірлескен бұйрығы);
• 2022 жылдың 1 қаңтарынан бастап энергия өндіруші ұйымдардың қолданыстағы шекті тарифтеріне қатысты жаңартылатын энергия көздерін пайдалануды қолдауға арналған үстемеақының өсуі;
• 2022 жылдың 1 қаңтарынан бастап жүктемені көтеруге қуатты қамтамасыз ету бойынша қызметке тарифтің өсуіне (бірыңғай сатып алушы «ЖЭК жөніндегі ҚЕАО» ЖШС);
• Қазақстан Республикасы Энергетика министрінің 30.06.2022 жылғы «Электр энергиясына шекті тарифтерді бекіту туралы» Қазақстан Республикасы Энергетика министрінің 2018 жылғы 14 желтоқсандағы №514 бұйрығына өзгеріс енгізу туралы» №226 бұйрығына сәйкес 2022 жылдың 1 шілдесінен бастап «АлматыЭнергоСбыт» ЖШС-нің электр энергияны жеткізушілері - энергия өндіруші ұйымдарының («Алматы электр станциялары» АҚ, «У.Д. Қантаев атындағы Мойнақ СЭС» АҚ, «Т.И. Батуров атындағы Жамбыл ГРЭС-і» АҚ) шекті тарифтерінің өсуі;
• 2022 жылдың 1 қыркүйегінен бастап «Алатау Жарық Компаниясы» АҚ-ның 2022-2025 жылдарға арналған электр энергиясын беру бойынша реттелетін қызметтерге тарифтің өсуі.

Алматы қаласы және Алматы облысының тұтынушылары үшін 2022 жылдың 1 қыркүйегінен бастап ҚР ҰЭМ Табиғи монополияларды реттеу комитетінің Алматы қаласы және Алматы облысы бойынша департаменттерімен келісілген мынадай тарифтер қолданылатын болады:

Тұтынушылардың топтары бойынша: 

I топ: электр энергиясын тауарларды, жұмыстарды өндірумен (сатумен) және қызметтер көрсетумен байланысты емес, өзінің тұрмыстық мұқтаждары үшін пайдаланатын тұрмыстық тұтынушылар – 1 киловатт-сағат үшін ҚҚС-сыз 18,55 теңге (1 киловатт-сағат үшін ҚҚС-пен 20,78 теңге);

Электр энергиясын тұрмыстық мұқтаждар үшін пайдаланатын жеке тұлғалар мен тұтынушылар үшін пәтерде/ үйде тұрақты тұратын әрбір адамға электр энергиясын тұтыну көлеміне қарай сараланған тариф:

Бірінші деңгейдегі тариф – 1 киловатт-сағат үшін ҚҚС-сыз 16,97 теңге (1 киловатт-сағат үшін ҚҚС-пен 19,01 теңге);

Екінші деңгейдегі  тариф – 1 киловатт-сағат үшін ҚҚС-сыз 22,26 теңге (1 киловатт-сағат үшін ҚҚС-пен 24,93 теңге);

Үшінші деңгейдегі тариф – 1 киловатт-сағат үшін ҚҚС-сыз 27,83 теңге (1 киловатт-сағат үшін ҚҚС-пен 31,17 теңге).

II топ: электр энергиясын тұрмыстық емес мұқтаждар үшін пайдаланатын тұтынушылар – 1 киловатт-сағат үшін ҚҚС-сыз 22,35 теңге (1 киловатт-сағат үшін ҚҚС-пен 25,03 теңге);

III топ: мемлекеттік бюджеттен қаржыландырылатын заңды тұлғалар – 1 киловатт-сағат үшін ҚҚС-сыз 29,28 теңге (1 киловатт-сағат үшін ҚҚС-пен 32,79 теңге);

IV топ: әлеуметтік маңызы бар азық-түлік тауарларын өндіретін тұтынушылар (ӘМАТ) – 1 киловатт-сағат үшін ҚҚС-сыз 21,16 теңге (1 киловатт-сағат үшін ҚҚС-пен 23,70 теңге).