Алматыда «АлматыЭнергоСбыт» ЖШС-нің 2022 жылғы 1 қыркүйектен бастап электр энергиясының шекті бағасын алдағы уақытта көтеру туралы жария тыңдауы өтті

«АлматыЭнергоСбыт» ЖШС-нің жария тыңдауы Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаменті басшысының орынбасары Қ.А. Ратбековтың басшылығымен 2022 жылдың 15 тамызында сағат 15:00-де өтті. Тыңдау Алматы қаласындағы карантин режимін ескере отырып, «ZOOM» бейне-конференц байланысы және Департаменттің Facebook әлеуметтік желісіндегі ресми парақшасы арқылы онлайн-трансляция режимінде жүргізілді.

12.08.2022 жылғы «АлматыЭнергоСбыт» ЖШС-нің 2022 жылдың 01 қыркүйегінен бастап шекті бағаны көтеру туралы өтінімін қарау бойынша 2022 жылғы 15 тамыздағы жария тыңдаудың қатысушылары туралы» бекітілген №22 өкіміне сәйкес Бас директор Е.К. Копенов басшылығымен жария тыңдауға «АлматыЭнергоСбыт» ЖШС құрылымдық бөлімшелерінің басшылары қатысты. «2022 жылғы 1 қыркүйектегі электр энергиясы бағасының жобасының» презентациясы ұсынылды. «АлматыЭнергоСбыт» ЖШС басшылығы «АлматыЭнергоСбыт» ЖШС электр энергиясын бағасын алдағы уақытта көтеру туралы толық түсінік берді.

Тыңдауға қатысқан мемлекеттік органдардың өкілдері, тұтынушылар мен олардың қоғамдық бірлестіктері, тәуелсіз сарапшылар өздерін қызықтырған сұрақтарды қойды, сондай-ақ Департаменттің Facebook-тегі ресми парақшасында онлайн талқылау өткізілді.

Сіз өткен жария тыңдаудың жазбасын Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаментінің Facebook-тегі https://www.facebook.com/watch/live/?ref=watch_permalink&v=362108966129865 ресми парақшасынан көре аласыз.