Қаңтар айынан бастап «АлматыЭнергоСбыт» ЖШС-нің заңды тұлғалар-клиенттері онлайн-форматта бірқатар операциялар жүргізе алады. Электр энергиясын жеткізушінің сайтындағы тұтынушылардың жаңартылған жеке кабинеті аудандық бөлімшелерге барудың баламасы болады.

2020 жылдың трендтері – жаппай онлайн-қызметтерге көшу, цифрландырудың бірегей жобаларын енгізу, бизнесті трансформациялау. Пандемияның қызмет беруші мен клиент арасындағы қарым-қатынасқа әсері тұтынушылар үшін жаңа мүмкіндіктерді ашады, дегенмен қазіргі таңда онлайн-сатып алулармен ешкімді таң қалдыра алмайсын. Бұл тез, ыңғайлы, ал «АлматыЭнергоСбыт» ЖШС-мен ынтымақтастық жағдайында – сенімді.

«Біз электронды түрде көрсеткіштерді беру, тұтынылған электр энергиясы үшін төлем шотын алу сияқты қызметтерді жедел және өзекті түрде ұсынуға кепілдік береміз. Бірқатар қызметтер, соның ішінде өзара есеп айырысуларды салыстыру актісіне және орындалған жұмыстар актілеріне қол қою ЭЦҚ арқылы көзделгені туралы», ‒ «АлматыЭнергоСбыт» ЖШС бас директорының жабдықтау жөнінен орынбасары Ольга Антонова атап өтті.

Электрондық құжат айналымына көшу және процестерді автоматтандыру алматылық тұтынушыларға АЭЖБ-ге баруды болдырмауға мүмкіндік береді. COVID-19 өршуіне байланысты, қоғамдық орындарға баруды азайту ұсынылған кезеңде әсіресе құнды.

Жеке кабинетте төлем мерзімдері туралы ескертулер, қарыз сомалары және алдағы өшірулер туралы ақпарат көзделген. Қызметтер тізімі кеңейтілетін болады. Қазіргі уақытта компания тұтынылған электр энергиясы үшін онлайн төлем жасау мүмкіндігін қарастыруда және еліміздің жетекші банктерімен келіссөздер жүргізуде.

«Бүгінгі күні біздің клиенттер сайтта жеке кабинетте тіркеу жүргізбей QIWI-әмиян арқылы онлайн төлем жүргізе алады. Жеке тұлғаларға төлем банктердің мобильді қосымшалары арқылы қолжетімді. Біз компаниямызбен шарт жасасқан барлық адамдар үшін барынша жайлылыққа қол жеткізгіміз келеді және қызметтерді бір терезеде, яғни жеке кабинетте алу мүмкіндігін ұсынғымыз келеді», ‒ дейді Ольга Антонова.

Қаңтардың бірінші онкүндігінде онлайн қызметтерді ала бастаған алғашқы жүз заңды тұлға тіркелді.