COVID-19 таралуының алдын алу жөніндегі шараларға байланысты елдегі электр энергиясының ірі жеткізушісі «АлматыЭнергоСбыт» ЖШС бөлімшелері Алматы қаласында тұтынушыларды қабылдау жөніндегі жұмысты ішінара тоқтатты. Қызметкерлердің жұмысы онлайн-режимде күшейтілуде.
Заңды тұлғалардан көрсеткіштерді беруді онлайн-режимге көшіруді сұраймыз. Заңды тұлғалармен жұмыс жасау жөніндегі менеджерлер көрсеткіштерді WhatsApp арқылы қабылдауға дайын. Аудандық бөлімшелер менеджерлерінің WhatsApp нөмірлерін www.esalmaty.kz сайтында көрсетілген АЭЖБ-лердің жұмыс телефондары арқылы нақтылауыңызды сұраймыз.
Бұрын өшірілген тұтынушыларды қайта қосу мәселелері бойынша:
1) сайтқа – https://esalmaty.kz/ru/feedback сайтындағы «Кері байланыс» нысанына хабарлама жазу арқылы;
2) телефон бойынша – 356-99-99, 399-99-00 нөмірлері бойынша тәулік бойы қызмет көрсететін Контакт-орталығына қоңырау шалу арқылы жүгіну керек. Дербес шоттың нөмірін алдын ала дайындап, мәселені нақты тұжырымдауыңызды сұраймыз.
Дербес шот бойынша толық нақты ақпаратты және электрмен жабдықтау бойынша кеңесті бірнеше тәсілмен алуға болады:
1) www.esalmaty.kz сайтындағы Жеке кабинетте тіркелу;
2) www.esalmaty.kz сайтының «Кері байланыс» бөлімінде хабарлама қалдыру;
3) әлеуметтік желілердегі @esalmaty.kz аккаунтына хабарлама жазу немесе #алматыэнергосбыт хэштегін көрсету;
4) Алматы қаласының қалалық нөмірлері бойынша тәулік бойы қызмет көрсететін Контакт-орталығының телефондары бойынша қоңырау шалу – 356-99-99, 399-99-00. Дербес шоттың нөмірін алдын ала дайындап, мәселені нақты тұжырымдауыңызды сұраймыз.
Жеке тұлғалар үшін www.esalmaty.kz сайтында Жеке кабинетте тіркелгеннен кейін онлайн-режимде келесі қызметтер қолжетімді:
- ЭЦҚ-сыз – есепке алу құралының көрсеткіштерін беру;
- ЭЦҚ арқылы – тұратындардың санын өзгерту, тарифті өзгерту, есепке алу құралын тексеру қызметін шақыру, есепке алу құралын пломбалау/пломбасын алып тастау немесе тұтынушылардың дербес шотын жабу.
Егер сізде қосымша сұрақтар туындаса, сіз жоғарыда аталған «АлматыЭнергоСбыт» ЖШС-нің сайтындағы «Кері байланыс» нысаны арқылы хабарласа аласыз.