НҰР-СҰЛТАН. ҚАЗИНФОРМ - Қазақстанда энергиямен жабдықтаушы ұйымдар үшін электр энергиясының тарифін төмендету жоспарлануда. Бұл туралы ҚР Премьер-Министрінің орынбасары Роман Скляр мәлімдеді, деп хабарлайды "ҚазАқпарат" ХАА тілшісі.

"Бүгінгі таңда электр энергиясының ақырғы тарифі оны өндіруге (55%), тасымалдауға (40%) және энергиямен жабдықтаушы ұйымдардың үстемеақыларынан (5%) тұрады. Энергиямен жабдықтаушы ұйымдардың (бұдан әрі - ЭЖҰ) орташа өткізу бағасы тұтынушылар топтары бойынша (жеке тұлғалар және өзге тұтынушылар), оның ішінде жеке тұлғалар үшін электр энергиясын тұтыну көлемі бойынша сараланады", - деп жазды Роман Скляр депутаттық сауалға берген жауабында.

Оның айтуынша, реттелетін ЭЖҰ республиканың әртүрлі аймақтарындағы халықтың 96% - ын қамтамасыз етеді, көлемдердің басым бөлігін (шамамен 60%) жеке тұлғалар құрайды.

"Тұтынушылар топтары арасында тарифтер деңгейінің үзілуін қысқарту мақсатында тұтыну тұрақты көлеміне кепілдік беретін ЭЖҰ үшін арзан электр энергиясын беру мәселесі қарастырылуда", - деп атап өтті Премьер-Министрдің орынбасары.

"Сонымен қатар, мұқтаждар мен халықтың әлеуметтік осал топтары үшін тарифтерді атаулы төмендету механизмі қолданыстағы заңнама нормаларын ескере отырып мұқият зерттеуді талап етеді. Жалпы электр энергетикасы мәселесі Үкіметтің бақылауында", - деді Р. Скляр

Дереккөзге сілтеме: https://www.inform.kz/ru/v-kazahstane-planiruyut-snizit-tarify-na-elektroenergiyu-dlya-energosnabzhayuschih-organizaciy_a3617515