Алматыда «АлматыЭнергоСбыт» ЖШС-нің электр энергиясына бағалардың алдағы уақытта көтерілетіні туралы жария тыңдау өтеді

Қазақстан Республикасы Ұлттық экономика министрінің 2017 жылғы 1 ақпандағы №36 бұйрығымен бекітілген Қоғамдық маңызы бар нарықтарда баға белгілеу қағидаларының 3-тарауының 21-тармағына сәйкес Қазақстан Республикасы Ұлттық экономика министрлігі Табиғи монополияларды реттеу комитетінің ресми сайтында жарияланған ақпарат бойынша Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаменті тұтынушылар мен өзге де мүдделі тұлғаларды «АлматыЭнергоСбыт» ЖШС-нің электр энергиясына бағалардың алдағы уақытта көтерілетіні туралы хабарламаны талқылау бойынша жария тыңдауларға шақырады.

Алматы қаласындағы карантин режимін ескере отырып, Қазақстан Республикасы Ұлттық экономика министрінің 2017 жылғы 1 ақпандағы №36 бұйрығымен бекітілген Қоғамдық маңызы бар нарықтарда баға белгілеу қағидаларының 24-тармағының 2-бөліміне сәйкес, «АлматыЭнергоСбыт» ЖШС жария тыңдаулары 2022 жылғы 15 тамызда сағат 15:00-де «ZOOM» бейне-конференц байланысы арқылы онлайн-трансляция режимінде өтеді.

Жария тыңдауға қатысу үшін идентификатор 618 218 5844, құпиясөз 2022.

Департамент жария тыңдауға депутаттарды, жергілікті өзін-өзі басқару органдарының, мемлекеттік органдардың, тұтынушылар мен олардың қоғамдық бірлестіктерінің өкілдерін, тәуелсіз сарапшыларды, бұқаралық ақпарат құралдарын және өзге де мүдделі тұлғаларды шақырады.

Сонымен қатар, тұтынушылар мен өзге де мүдделі тұлғалар Департаменттің Facebook әлеуметтік желісіндегі https://www.facebook.com/watch/dkrem.almaty/ ресми парақшасы арқылы онлайн режимінде жария тыңдауларға қатыса алатынын хабарлаймыз.

Байланыс телефондары:

Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаменті - 8 (727) 279-06-09,

«АлматыЭнергоСбыт» ЖШС - 8 (727) 356-04-05.

Ақпарат көзі: https://www.gov.kz/memleket/entities/krem/press/region-news/details/9687?lang=kk