Құрметті тұтынушылар, «АлматыЭнергоСбыт» ЖШС 2023 жылдың 01 қарашасынан

бастап электр энергияны бөлшек саудада өткізудің шекті бағасының 1 кВтсағ. үшін

ҚҚС-сыз 25,57 теңгеге дейін (1 кВтсағ. үшін ҚҚС-пен 28,64 теңге) көтерілгені туралы хабарлайды.

«АлматыЭнергоСбыт» ЖШС-нің Алматы қаласы мен Алматы облысының тұтынушылары үшін электр энергиясына шекті бағаны көтеру себептері:

- Қазақстан Республикасының Бірыңғай электр энергетикалық жүйесінде 2023 жылғы 19 сәуірдегі № 223-VII «Қазақстан Республикасының кейбір заңнамалық актілеріне Қазақстан Республикасындағы әкімшілік реформа мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес 2023 жылғы 1 шілдеден бастап Бірыңғай сатып алушы мен нақты уақыт режиміндегі теңгерімдеуші нарық моделін енгізу;

- 2023 жылғы 1 маусымнан бастап стратегиялық тауар – электр энергиясы құнының өзгеруіне байланысты (Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаментінің 2023 жылғы 23 маусымдағы №56-НҚ және Қазақстан Республикасы Ұлттық экономика министрлігі Табиғи монополияларды реттеу комитетінің Алматы облысы бойынша департаментінің №50-НҚ бірлескен бұйрығы) 2023 жылғы 1 шілдеден бастап электр энергиясын беру жөніндегі реттелетін қызметке «Алатау Жарық Компаниясы» АҚ шекті тарифінің деңгейін көтеруі.

Тұтынушылардың топтары бойынша:

1-топ: электр энергиясын тауарларды, жұмыстарды өндірумен (сатумен) және қызметтер көрсетумен байланысты емес, өзінің тұрмыстық мұқтаждары үшін пайдаланатын тұрмыстық тұтынушылар – 1 кВтсағ. үшін ҚҚС-сыз 23,13 теңге (1 кВтсағ. үшін ҚҚС-пен 25,91 теңге);

2-топ: электр энергиясын тұрмыстық емес мұқтаждар үшін пайдаланатын тұтынушылар – 1 кВтсағ. үшін ҚҚС-сыз 26,74 теңге (1 кВтсағ. үшін ҚҚС-пен 29,95 теңге);

3-топ: мемлекеттік бюджеттен қаржыландырылатын заңды тұлғалар – 1 кВтсағ. үшін ҚҚС-сыз 36,36 теңге (1 кВтсағ. үшін ҚҚС-пен 40,72 теңге);

4-топ: әлеуметтік маңызы бар азық-түлік тауарларын өндіретін тұтынушылар (ӘМАТ) – 1 кВтсағ. үшін ҚҚС-сыз 25,57 теңге (1 кВтсағ. үшін ҚҚС-пен 28,64 теңге).

Электр энергиясын тұрмыстық мұқтаждар үшін пайдаланатын жеке тұлғалар мен тұтынушылар үшін пәтерде/ үйде тұрақты тұратын әрбір адамға электр энергиясын тұтыну көлеміне қарай сараланған тариф:

1-деңгейдегі тариф – 1 кВтсағ. үшін ҚҚС-сыз 21,00 теңге (1 кВтсағ. үшін ҚҚС-пен 23,52 теңге);

2-деңгейдегі  тариф – 1 кВтсағ. үшін ҚҚС-сыз 27,76 теңге (1 кВтсағ. үшін ҚҚС-пен 31,09 теңге);

3-деңгейдегі тариф – 1 кВтсағ. үшін ҚҚС-сыз 34,70 теңге (1 кВтсағ. үшін ҚҚС-пен 38,86 теңге).